Portlash to‘lqini shu darajada kuchli bo‘lganki, sisterna shossedan uchib chiqib ketgan, yaqin atrofdagi binolar vayron bo‘lgan, shosse va aholi punktidagi avtomobillar yonib ketgan. Ko‘plab insonlar vayronalar ostida qolgan.
Xitoyning Chjetszyan provinsiyasidagi Venpin shahar uyezdi shossesida avtosisterna portlashi oqibatida to‘qqiz kishi halok bo‘ldi va kamida 112 kishi jarohatlandi. Bu haqda China Daily gazetasi xabar berdi.
Hodisa G15 "Shenyan-Xaykou" shossesida sodir bo‘lgan.
Dastlabki tergov natijalariga ko‘ra, avtosisterna Ninbo shahridan Venchjou shahar okrugiga suyultirilgan gaz olib ketayotgan bo‘lgan.
Voqea joyida 450dan ortiq o‘t o‘chiruvchilar, qutqaruvchilar, tibbiyot va politsiya xodimlari ish olib bormoqda.
Portlash to‘lqini shu darajada kuchli bo‘lganki, sisterna shossedan uchib chiqib ketgan, yaqin atrofdagi binolar vayron bo‘lgan, shosse va aholi punktidagi avtomobillar yonib ketgan. Ko‘plab insonlar vayronalar ostida qolgan.
Portlash sababi hozircha aniqlanmagan.
