21:03 / 17.06.2020
2157
Лондон мэри Covid-19 сабабли ойлик маошини қисқартирди

Лондондаги вазият полиция, қутқарувчилар ва транспорт тизимини молиялаштириш қисқаришига олиб келиши мумкин.

Лондон мэри Содиқ Хон коронавирус пандемияси сабабли ойлик маошини 10 фоизга қисқартирганини маълум қилди.

Хон Британия ҳукуматини молиявий қийинчиликларга дуч келган маҳаллий ҳокимия органларига ёрдам беришга чақирди. Мэрияларнинг етарлича молиялаштирилмаганлиги боис аҳолига кўрсатиладиган хизматлар рўйхати қисқартирилиши мумкин.

ITV телеканалининг қайд этишича, Лондондаги вазият полиция, қутқарувчилар ва транспорт тизимини молиялаштириш қисқаришига олиб келиши мумкин.

Буюк Британияда пандемия бошланганидан буён коронавирус юқтириш билан боғлиқ 300 мингга яқин ҳолат қайд этилган, 41 мингга яқин киши вафот этган. Буюк Британия ўлим ҳолатлари бўйича АҚШ ва Бразилиядан кейин учинчи ўринда турибди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top