Turkiya adliya vaziri Avliyo Sofiya ibodatxona-muzeyi masjidga aylantirilishi kerakligini aytdi

Turkiya adliya vaziri Abdulhamit Gul hozirda muzey maqomiga ega Istanbuldagi Avliyo Sofiya ibodatxonasi masjidga aylantirilishi kerakligini aytdi

Soborni masjidga aylantirish "Konstantinopolni egallagan sulton Mehmetning xohishi kabi bizning ham umumiy xohishimiz", dedi u "Onadolu" gazetasiga bergan intervyusida.

U davlat kengashi bu masalani iyulda ko‘rib chiqishini eslatib o‘tdi va ibodatxona bilan qanday yo‘l tutish borasida Turkiyaga buyruq berishga  boshqa davlatlarning haqqi yo‘qligini aytdi.

29 may kuni, Konstaninopolning qulashi sanasi munosabati bilan Avliya Sofiya ibodatxonasida Qur'on tilovat qilindi. Oradan bir hafta o‘tgach, Turkiya prezidenti Rajab Toyyib Erdo‘g‘an Adolat va taraqqiyot partiyasi markaziy qo‘mitasiga ibodatxonani masjidga aylantirish imkoniyatini o‘rganib chiqishni topshirdi.

Erdo‘g‘an o‘tgan yili Avliyo Sofiya ibodatxona-muzeyining masjidga aylantirilishi AQSh prezidenti Donald Trampning Quddusni Isroil poytaxti va Jo‘lan tepaliklarini Isroilga tegishli deb tan olish haqidagi qaroriga javob bo‘lishini aytgandi. 

Avliyo Sofiya ibodatxonasi 1934 yilda Turkiyaning birinchi prezidenti Mustafo Kamol Otaturkning qarori bilan muzey maqomini olgan.