22:21 / 20.06.2020
16744
ОТМларга ҳужжат топширишнинг илк куни 14,5 мингдан ортиқ абитуриент онлайн рўйхатдан ўтди - ДТМ

Ҳужжат топширишнинг илк куни – 20 июнь 18:00 ҳолатига кўра, 14 524 нафар абитуриент ОТМларнинг бакалавриат таълим йўналишларига рўйхатдан ўтган.  

20 июндан 2020/2021 ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш бошланди.

Давлат тест марказининг хабар беришича, ҳужжат топширишнинг илк куни – 20 июнь 18:00 ҳолатига кўра, 14 524 нафар абитуриент ОТМларнинг бакалавриат таълим йўналишларига рўйхатдан ўтган.

Уларнинг 9 325 нафари кундузги таълим шакли бўйича, 4 933 нафари сиртқи, 266 нафари эса кечки таълим шакли бўйича ҳужжат топширган.

ОТМлар жойлашган ҳудудлар бўйича топширилган ҳужжатлар сони:

  • Андижон вилояти – 1546 нафар;
  • Бухоро вилояти – 590 нафар;
  • Фарғона вилояти – 854 нафар;
  • Жиззах вилояти – 354 нафар;
  • Наманган вилояти – 815 нафар;
  • Навоий вилояти – 472 нафар;
  • Қашқадарё вилояти – 617 нафар;
  • Қорақалпоғистон Республикаси – 360 нафар;
  • Самарқанд вилояти – 1 412 нафар;
  • Сирдарё вилояти – 394 нафар;
  • Сурхондарё вилояти – 792 нафар;
  • Тошкент шаҳри ва вилояти – 5 979 нафар;
  • Хоразм вилояти – 339 нафар.

Эслатиб ўтамиз, абитуриентлардан ҳужжатлар 20 июндан 20 июлгача Ягона интерактив давлат хизматлари портали ва Давлат тест марказининг расмий веб-сайти (www.dtm.uz) орқали қабул қилиниши маълум қилинган эди.

Top