19:45 / 02.07.2020
7984

London sudi Guaydoni Venesuela prezidenti deb tan oldi

Angliya bankida Venesuelaning 31 tonna quyma oltini saqlanadi. Mamlakat hukumati bu oltinlarning bir qismini qaytarishga ko‘p bor uringan, ammo bankdan rad javobini olgan. 

Foto: AP Photo/Paul White

London sudi Venesuela muxolifati yetakchisi Xuan Guaydoni ushbu mamlakatning prezidenti deb tan oldi hamda Venesuelaning amaldagi prezidenti Nikolas Maduroning Angliya bankidagi Venesuela oltinlariga nisbatan huquqini yo‘qqa chiqardi.

London yuqori sudi Venesuela markaziy bankining Britaniya poytaxtidagi bankda saqlanayotgan 1 mlrd dollarlik quyma oltinlarni qaytarib olish uchun bergan da'vosini ko‘rish doirasida ana shunday qaror qabul qildi.

"Hazrati oliyalari hukumati Guaydoni so‘zsiz Venesuela prezidenti deb tan oladi", - dedi sudya Nayjyel Tir. 

U shuningdek, London "bundan buyon Maduroni Venesuela prezidenti deb tan olmasligi"ni qo‘shib qo‘ydi. 

Qayd etilishicha, Venesuela hukumati tomonidan bu ishda qatnashayotgan advokatlar ushbu qaror ustidan yuqori instansiyaga shikoyat qilishini bildirgan.

Angliya bankida Venesuelaning 31 tonna quyma oltini saqlanadi. Mamlakat hukumati bu oltinlarning bir qismini qaytarishga ko‘p bor uringan, ammo bankdan rad javobini olgan. 

Top