Erdo‘g‘an partiyasi vakili Turkiya parlamenti raisligiga qayta saylandi

Turkiya prezidenti Rajab Toyyib Erdo‘g‘an boshchiligidagi Adolat va taraqqiyot partiyasi vakili Mustafo Shonto‘p mamlakat parlamenti raisligiga qayta saylandi. Bundan parlament a'zolarining ovoz berish natijalari darak bermoqda.

Dastlabki ikki turda nomzodlar ehtimoliy 600 ovozdan kamida 401ta ovoz olishi kerak edi, ammo hech bir nomzod bunga erisholmadi.

Uchinchi turda g‘olib ovozlar sonining ko‘pligi bo‘yicha aniqlandi. Shonto‘p uchun 328 nafar deputat ovoz berdi.

Mustafo Shonto‘p parlament raisligiga 2019 yil fevralda saylangandi.