Qoʻshimcha funksionallar
-
Tungi ko‘rinish
Turkiya qurolli kuchlari Armanistonga qarshi urushda Ozarboyjonni qo‘llab-quvvatlashi ma'lum qilindi
Xulusi Akar Turkiya qurolli kuchlari "bir millat, ikki davlat" tamoyiliga muvofiq Ozarboyjon qurolli kuchlari bilan yonma-yon turishini ta'kidladi.
Turkiya mudofaa vaziri Xulusi Akar Armaniston bilan harbiy to‘qnashuvda Ozarboyjonni to‘liq qo‘llab-quvvatlashini ma'lum qildi.
"Armaniston tomonining Ozarboyjonning Tovuz rayonidagi hujumlarini keskin qoralaymiz. Halok bo‘lgan ozarboyjonlik harbiylarning yaqinlari va qarindoshlariga ta'ziya bildiramiz, yaralanganlarga tezroq sog‘ayib ketishlarini tilaymiz. Ozarboyjon yerlarini noqonuniy ravishda bosib olib uzoq yillardan buyon zo‘ravonlik siyosatini olib borayotgan Armanistonga qarshi kurashda Ozarboyjon qurolli kuchlariga yordam berish va qo‘llab-quvvatlashda davom etamiz", - dedi u.
Uning qo‘shimcha qilishicha, Turkiya qurolli kuchlari "bir millat, ikki davlat" tamoyiliga muvofiq Ozarboyjon qurolli kuchlari bilan yonma-yon turadi.
12 iyul kuni Boku va Yerevan bir-birini o‘t ochishni to‘xtatish rejimini buzish va artilleriyadan foydalanishda ayblagandi.
Armaniston va Ozarboyjon o‘rtasidagi kelishmovchilik 1988 yil fevralda Tog‘li Qorabog‘ muxtor oblasti Ozarboyjon SSR tarkibidan chiqishini e'lon qilganidan so‘ng vujudga kelgan. 1992-1994 yillardagi qurolli nizo davomida Ozarboyjon Tog‘li Qorabog‘ va unga tutash beshta rayon ustidan nazoratni yo‘qotgan.
Qorabog‘ urushi
Mavzuga oid
22:57 / 23.04.2026
Prezidentga Turkiya bilan harbiy hamkorlikni mustahkamlash borasidagi ishlar haqida axborot berildi
10:19 / 22.04.2026
Markaziy Osiyo va Ozarboyjon yetakchi ayollari ustuvor vazifalarni muhokama qildi
17:49 / 21.04.2026
Turkiya ta’lim dasturlariga o‘zbek–turk do‘stligini urg‘ulovchi qo‘shimchalar kiritildi
14:08 / 21.04.2026