Mixail Degtyaryov o‘lka hukumati oldida yig‘ilayotgan barchani «bor kuchlarini yaxshilikka sarflash» va «yolg‘iz insonlarga oziq-ovqatlar yetkazib berish»ga chaqirdi.
Xabarovsk o‘lkasining vaqtinchalik gubernatori Mixail Degtyaryov «deraza ostida qichqirayotgan» namoyishchilar oldiga chiqmasligini aytdi. U bu haqda Bi-bi-si muxbiriga aytgan.
«Chiqmayman! Odamlar oldiga doim chiqayotganimni aytdim. Odamlar bilan muloqot qilaman – faqat to‘g‘ri shaklda. Shifokorlar bilan, mijozlar bilan, siz bilan, masalan... Lekin mana bunday o‘rtoqlarning talabi bilan... Bu nimasi? Bu na menga, na aksariyat rossiyaliklar ovoz bergan prezidentga hurmatsizlik. Na o‘ziga», — dedi Degtyaryov.
Degtyaryov o‘lka hukumati oldida yig‘ilayotgan barchani «bor kuchlarini yaxshilikka sarflash» va «yolg‘iz insonlarga oziq-ovqatlar yetkazib berish»ga chaqirdi.
«Deraza ostida qichqirishlar yetar! Keling, birga ishlaylik, keyin ko‘ramiz. Bizda 22 mlrd rubllik chala qurilishlar bor. Rahbarning deraza ostida qichqirayotganlar bilan gaplashishdan boshqa ishlari bor», — deb ta'kidladi u.
Degtyaryov Sergey Furgalning o‘rniga Xabarovsk o‘lkasi gubernatorligini vaqtincha bajaruvchi etib tayinlangandi. Furgal 10 iyulda qotillikka aloqadorlikda ayblanib hibsga olingandi. Furgal hibsga olinganidan buyon Xabarovskda namoyishlar bo‘lib o‘tmoqda.
