00:58 / 16.08.2020
42039

Koronavirus:  O‘zbekistonda 30 mingdan ortiq bemor sog‘aydi, yana 4432 kishi davolanmoqda

Kun davomida 1382 nafar koronavirus infeksiyasiga chalingan fuqarolar tuzaldi.

15 avgust kuni O‘zbekistonda koronavirus infeksiyasi qayd etilganlar soni 34701 (+684) nafarni tashkil etdi. Bu haqda Sog‘liqni saqlash vazirligi matbuot xizmati xabar berdi.

“15 avgust kuni O‘zbekistonda 684 holatda kasallik qayd etilgan bo‘lib, barchasi tana harorati ko‘tarilganligi bois profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan”, deyiladi xabarda.

Qayd etilishicha, kun davomida 1382 nafar koronavirus infeksiyasiga chalingan fuqarolar tuzalib, jami sog‘ayganlar soni 30043 nafarga yetdi.

Bemorlarning 1044 nafari Toshkent shahrida, 295 nafari Toshkent viloyatida, 11 nafari Xorazm viloyatida, 10 nafari Qashqadaryo viloyatida, 7 nafari Sirdaryo viloyatida, yana 7 nafari Surxondaryo viloyatida, 6 nafari Namangan viloyatida hamda 2 nafari Qoraqalpog‘iston Respublikasida kasallikdan forig‘ bo‘ldi.

Shunday qilib, mana besh kundirki, O‘zbekistonda koronavirus infeksiyasidan kunlik sog‘ayishlar soni ming nafardan oshmoqda va hammasi bo‘lib besh kun davomida COVID-19’dan 7051 nafar bemor sog‘aydi.

Shu bilan birga, Toshkent shahrida 3 nafar, Navoiy va Toshkent viloyatlarida 1 nafardan, jami 5 nafar koronavirusga chalingan bemor vafot etdi. Respublika bo‘yicha jami o‘lim holatlari soni 226taga yetdi.

Ayni paytda koronavirus infeksiyasidan davolanayotgan 4432 nafar bemordan 1021 nafari og‘ir, 285 nafari esa o‘ta og‘ir ahvolda.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top