O‘zbekistonda koronavirusdan zararlanish holatlari soni 45 mingdan oshdi

Yangi holatlar (+230)
2020 yil 10 sentabr soat 10:00 holatiga ko‘ra O‘zbekistonning 8  hududida tana harorati ko‘tarilgani bois profilaktika maqsadida hamda koronavirusga chalingan bemorlar bilan muloqotda bo‘lgani sababli namuna olingan fuqarolar orasida 230 holat aniqlangan.

• Toshkent shahrida 150 holat;
• Toshkent viloyatida 36 holat;
• Samarqand viloyatida 16 holat;
• Namangan viloyatida 9 holat;
• Xorazm viloyatida 8 holat;
• Buxoro viloyatida 5 holat;
• Surxondaryo viloyatida 5 holat;
• Qoraqalpog‘iston Respublikasida 1 holat.

Shu vaqtgacha kasallik qayd etilgan bemorlardan 42 ming 212 nafari sog‘ayib, davolanish ko‘rsatkichi 94 foizni tashkil etmoqda.

O‘lim holatlari (+2)
So‘nggi 10 soat ichida yana ikki o‘lim holati qayd etilib, O‘zbekistonda rasmiy statistikaga kiritilgan o‘lim holatlari soni 368taga yetgan.

• Zangiota tumanida yashagan 79 yoshli S.J. (ayol);
• Olmazor tumanida yashagan 70 yoshli B.U. (erkak) vafot etdi.

Hozirda mamlakatda 2 580 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda. Ulardan 427 nafari og‘ir, 224 nafari esa o‘ta og‘ir ahvolda.