18:48 / 23.09.2020
3621
Швеция карантин жорий этишни ўйламоқда

 Швеция ҳукумати коронавирус тарқалишига қарамасдан қатъий чекловлар жорий этмагани сабабли бир неча марта танқид қилинганди. Мамлакатда эпидемия вақтида корхоналар, мактаб ва боғчалар фаолиятини тўхтатмади. 

Фото: imago

Швеция ҳукумати коронавирус тарқалиши билан боғлиқ вазият ёмонлашиши фонида Стокгольмда карантин жорий этиш тўғрисида жиддий ўйламоқда, деб ёзади Bloomberg.

 Мамлакат бош эпидемиологи Андерс Тегнеллнинг сўзларига кўра, охирги бир неча ҳафта давомида пойтахтда барча ёш гуруҳларида касалликнинг сезиларли даражада ўсиши кузатилмоқда.

Ҳукумат вирус тарқалиши суръатини пасайтириш мақсадида карантин чораларини жорий этиш заруриятини муҳокама қилмоқда, деди у.

Тегнелл эҳтимолий чекловлар тўғрисида батафсил маълумот бермаган.

Швеция ҳукумати коронавирус тарқалишига қарамасдан қатъий чекловлар жорий этмагани сабабли бир неча марта танқид қилинганди. Мамлакатда эпидемия вақтида корхоналар, мактаб ва боғчалар фаолиятини тўхтатмади. 

Бугунга келиб Швецияда касаллик юқтириш ҳолатлари 88 мингдан ошган, 5,8 мингдан ортиқ киши вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top