17:21 / 10.10.2020
2153
Чехия ҳукумати коронавирус сабабли изоляция режимини тиклашни ўйламоқда

Аҳолиси 10,7 млн кишини ташкил этувчи Чехияда зарарланиш ҳолатлари 110 мингга яқинлашган, 905 киши вафот этган.

Фото: EPA/Vostock-photo

Чехия ҳукумати мамлакатда коронавирус юқтириш ҳолатлари кескин кўпайганлиги сабабли янги изоляция режимини жорий этиш имкониятини кўриб чиқмоқда.

 Associated Press агентлигининг хабар беришича, Чехияда ўтган суткада 8 618та янги ҳолат аниқланган. Ундан бир кун аввал эса 5 394та янги ҳолат қайд этилганди, деб хабар берди мамлакат соғлиқни сақлаш вазирлиги.

Аҳолиси 10,7 млн кишини ташкил этувчи Чехияда зарарланиш ҳолатлари 110 мингга яқинлашган, 905 киши вафот этган.

Мамлакат ҳукумати аҳолини масъулиятли бўлишга чақирмоқда. Бош вазир Андрей Бабиш агарда зарарланиш ҳолатлари ўсишда давом этадиган бўлса, ҳукумат изоляция режимини қайтаришини билдирди.

Унинг қайд этишича, вазият жуда жиддий ва одамлар хавфсизлик чораларига риоя қилишлари зарур.  

2 октябрдан Чехияда кинотеатрлар, театрлар, музей ва галереялар ёпилмоқда, университет ва мактаблар таълимнинг масофавий шаклига ўтади, спорт тадбирларини ўтказиш тақиқланади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top