64 yoshli Shtaynmayyer koronavirusga test topshirgan, natija manfiy bo‘lganligi xabar qilingan.
Germaniya prezidenti Frank-Valter Shtaynmayyer soqchilaridan birida koronavirusga olingan test natijasi musbat chiqqanidan so‘ng karantinga ketdi. Bu haqda federal prezident idorasi vakili ma'lum qildi.
Dpa agentligining yozishicha, gap prezident bilan muloqotda bo‘lgan jinoiy politsiya federal idorasi xodimi haqida bormoqda. 64 yoshli Shtaynmayyer koronavirusga test topshirgan, natija manfiy bo‘lganligi xabar qilingan.
Germaniyada oxirgi sutkada koronavirusga chalingan 7830 kishi aniqlangan. Robert Kox nomidagi institutning qayd etishicha, bu pandemiya boshlanganidan buyon eng yuqori ko‘rsatkichdir.
Avvalroq Germaniya kansleri Angela Merkel shaxsiy murojaat bilan chiqib, nemislarni ijtimoiy aloqalarni cheklashga va sayohatlarni minimal darajaga tushirishga chaqirgandi.
