19:33 / 17.10.2020
14011
Озарбойжон Ганжи шаҳри ўққа тутилгани учун Арманистонга қандай жавоб қайтаришини маълум қилди

Аввалроқ Озарбойжон Арманистон ва тан олинмаган Тоғли Қорабоғ Республикаси қуролли кучлари томонидан Ганжи шаҳрининг ўққа тутилиши оқибатида ўнлаб тинч аҳоли вакиллари ҳалок бўлганини билдирганди.

Фото: РИА Новости

Озарбойжон президентининг ёрдамчиси Ҳикмат Гажиев Боку Ганжи шаҳрининг ўққа тутилишига жавобан ҳарбий объектларни нишонга олишини айтди.

Унинг аниқлик киритишича, фуқаро объектлари ўққа тутилмайди.

"Озарбойжон учун фуқаро объектлари ва фуқаролар нишон ҳисобланмайди. Озарбойжон фақат қонуний ҳарбий нишонларни ўққа тутади. Бу Озарбойжоннинг позицияси", – деди Гажиев.

Аввалроқ Озарбойжон Арманистон ва тан олинмаган Тоғли Қорабоғ Республикаси (ТҚР) қуролли кучлари томонидан Ганжи шаҳрининг ўққа тутилиши оқибатида ўнлаб тинч аҳоли вакиллари ҳалок бўлганини билдирганди.

Мазкур ҳодиса юзасидан Туркия ҳам ўз муносабатини билдириб, Арманистонни ҳарбий жиноятларда айблади.

Top