21:57 / 19.10.2020
7411
Парижда ўқитувчининг ўлдирилиши бўйича иш доирасида тўрт ўқувчи қўлга олинди

Полиция ушбу иш доирасида жами ўн беш нафар шахсни қўлга олган.

Фото: AFP

Парижда география ва тарих ўқитувчиси Самюэл Петининг ўлдирилиши бўйича жиноят иши доирасида ўрта мактабнинг тўрт нафар ўқувчиси қўлга олинди. Бу ҳақда Le Parisien нашри хабар бермоқда.

 Нашрнинг ёзишича, полиция ушбу иш доирасида жами беш нафар шахсни қўлга олган ва ҳибсга олинганлар сони 15 нафарга етган.

 Франция президенти Эммануэль Макрон душанба куни Елисей саройида Патининг оила аъзоларини қабул қилди. У марҳумнинг оила аъзоларига ҳамдардлик билдирди.

 Қотиллик 16 октябрь куни Конфлан-Сент-Онорине шаҳридаги Коллеж-Буа-д'Ольн ўқув муассасасида содир бўлди.  

BFM TV телеканали тарқатган хабарга кўра, ўқитувчини ўлдиришда гумон қилинаётган йигитнинг исми Абдулак Анзоров. 2002 йилда туғилган чечен миллатига мансуб йигит ёшлигида оиласи билан Россиядан Францияга кўчиб келган.

Франция ОАВнинг ёзишича, ўқитувчи аввалроқ ўзининг дарсларидан бирида сўз эркинлигининг намойиши сифатида Муҳаммад алайҳиссаломнинг карикатура қилинган расмини кўрсатган. Шундан сўнг унга таҳдидлар бошланган.

Top