Ukraina hukumati 26 oktyabrdan masofadan ishlashga o‘tadi

Ukraina hukumati 26 oktyabrdan boshlab masofadan ishlashga o‘tadi. Bu haqda mamlakat bosh vaziri Denis Shmigal ma'lum qildi.

 "Kelasi haftadan hukumat yig‘ilishlari ham, hukumat ham onlayn tartibga o‘tadi. Bu vaqt talabi", - dedi u.

Avvalroq Ukraina hukumati mamlakatda koronavirus pandemiyasi tufayli joriy etilgan cheklov choralarini 31 dekabrgacha uzaytirgandi.

Oxirgi ma'lumotlarga ko‘ra, pandemiya boshlanganidan buyon Ukrainada koronavirus yuqtirish bilan bog‘liq 315,8 mingdan ortiq holat qayd etilgan, jumladan, oxirgi sutkada 6719ta holat aniqlangan.