Milliy gvardiyaning Andijon viloyati bo‘yicha boshqarmasi boshlig‘i tayinlandi 

Qayd etilishicha, podpolkovnik Anvar Rahimboyevich Ortiqov O‘zbekiston Respublikasi Milliy gvardiyasi Andijon viloyati bo‘yicha boshqarmasi boshlig‘i lavozimida ish boshladi.

Tayinlovga qadar Anvar Ortiqov Milliy gvardiya Xorazm viloyati bo‘yicha boshqarmasi boshlig‘ining jamoat xavfsizligini ta'minlash bo‘yicha o‘rinbosari lavozimida xizmat olib borgan.

Avvalroq Milliy gvardiyaning Farg‘ona viloyati bo‘yicha boshqarmasi boshlig‘i o‘zgargani xabar qilingandi.