07:33 / 08.11.2020
13019
Ереван Пашиняннинг истеъфоси тўғрисидаги хабарларга изоҳ берди

Аввалроқ Facebook’да Тоғли Қорабоғдаги вазият сабабли Пашинян истеъфога чиққани тўғрисида хабар пайдо бўлганди. 

Фото: AP

Арманистон бош вазири Никол Пашиняннинг матбуот котиби Мане Геворгкян бош вазирнинг истеъфога чиқиши тўғрисида ижтимоий тармоқларда тарқалган хабарлар ҳақиқатдан йироқ эканлигини маълум қилди. У бу ҳақда ўзининг Facebook саҳифасида ёзди.

«Арманистон Республикаси бош вазири Никол Пашиняннинг истеъфога чиқиши тўғрисидаги хабар  дезинформация ва ҳақиқатга мос келмайди», — дейилади Геворгкяннинг хабарида.

Аввалроқ Facebook’да Тоғли Қорабоғдаги вазият сабабли Пашинян истеъфога чиққани тўғрисида хабар пайдо бўлганди. 

Пашинян 2018 йилда, халқ норозилиги натижасида бош вазир Серж Саргсян лавозимидан четлаштирилганидан кейин ҳукумат тепасига  келганди.

Мавзу
Озарбойжон-Арманистон можароси
12 июль куни Озарбойжон шимоли-ғарбидаги Товуз вилояти ҳудудида икки давлат қўшинлари ўртасида тўқнашув содир бўлди.
Барчаси
Top