22:43 / 27.11.2020
6454
Арманистон бош вазири Россияга ташриф буюриши кутилмоқда

Арманистон бош вазири Никол Пашинян Россияга ташриф буюришни режалаштирмоқда. Бу ҳақда Арманистон ҳукумати сайтида маълум қилинган.

Фото: DPA

Хабарда таъкидланишича, Пашинян маъмурияти протокол хизмати бошлиғи Эдуард Арутюнян “Арманистон бош вазирининг Россияга ташрифига тайёргарлик кўриш мақсадида” 30 ноябрдан 4 декабргача муддатга Москвага юборилади.  

Бироқ Пашиняннинг Москвага ташрифи муддати ҳозирча маълум қилинмаган.

Бу орада Арманистон ҳукуматидаги манбанинг хабар беришича, Пашинян Москвага 3 декабрда ташриф буюриши мумкин. Унинг таъкидлашича, Арманистон бош вазири Москвада Евросиё ҳукуматлараро кенгаши йиғилишида иштирок этади.

Евросиё иқтисодий иттифоқи давлатлари бош вазирлари 9 октябрда Ереванда Евросиё ҳукуматлараро кенгашининг навбатдаги йиғилишини 4 декабрда Москвада ўтказишга келишиб олишганди. 

Top