17:50 / 02.12.2020
5050

AQShda tez yordam xizmati inqiroz yoqasida ekanligi aytildi

 AQSh tez yordam assotsiatsiyasi vakillarining bildirishicha, tez yordam xizmati xodimlariga 2,62 milliard dollar mablag‘ zarur.

Foto: REUTERS, Mike Segar

AQSh tez yordam assotsiatsiyasi sog‘liqni saqlash vazirligi va ijtimoiy xizmatlarni tez tibbiy yordam xizmati tizimi koronavirus bilan bog‘liq vaziyat sababli «imkoniyatlar chegarasida» turganligi haqida ogohlantirdi. Bu haqda NBC News xabar bermoqda.

 «Barcha shtatlarda "911" tez tibbiy yordam xizmati imkoniyatlar chegarasida turibdi. Qo‘shimcha yordam berilmasa, inqiroz yuz berishi mumkin», — deyiladi assotsiatsiya tomonidan.

Assotsiatsiya vakillarining bildirishicha, tez yordam xizmati xodimlariga 2,62 milliard dollar mablag‘ zarur. Avvalroq ham ana shunday so‘rov yuborilgan, ammo assotsiatsiya aprelda berilgan 350 million dollardan tashqari hech qanday mablag‘ olmagan.

 Qayd etilishicha, «sog‘liqni saqlash sohasidagi boshqa tashkilotlar olgan yordam bilan solishtirganda, bu juda kam».

 Avvalroq koronavirusga qarshi vaksina bilan birinchi bo‘lib kimlar emlanishi ma'lum qilingandi. Bular tibbiyot xodimlari va qariyalar uyida yashayotgan keksa yoshdagi insonlar bo‘ladi.

Top