14:21 / 11.12.2020
7356
Давлат ташқи қарзи 18,5 млрд долларга етди – Молия вазирлиги

Жорий йилнинг дастлабки 9 ойида давлат ташқи қарзи 2,8 млрд. долларга ёки йил бошига нисбатан 18,0 фоизга ошган.

Фото: Shutterstock

Молия вазирлиги 2020 йилнинг III чораги бўйича Ўзбекистон давлат қарзи ҳолати ва динамикаси шарҳини эълон қилди.

Унга кўра, 2020 йил 1 октябр ҳолатига, Ўзбекистон номидан ва унинг кафолати остида жалб қилинган қарз қолдиғи дастлабки ҳисоб-китобларга кўра 20,8 млрд. доллар эквивалентини ёки ялпи ички маҳсулот (ЯИМ)га нисбатан 36,8 фоизни ташкил этди.

Хусусан, дастлабки ҳисоб-китобларга кўра, жорий йилнинг дастлабки 9 ойида давлат ташқи қарзи 2,8 млрд. долларга ёки йил бошига нисбатан 18,0 фоизга ошиб, жорий йилнинг 1 октябр ҳолатига 18,5 млрд. долларга ёки ЯИМга нисбатан 32,8 фоизга етди.

Шундан:

ҳукумат номидан жалб қилинган ташқи қарз – 12,7 млрд. доллар;

ҳукумат кафолатлаган ташқи қарз – 5,8 млрд. доллар.

Давлат ички қарзи, дастлабки ҳисоб-китобларга кўра, 23,6 трлн. сўмни (2,3 млрд. доллар) ёки ЯИМга нисбатан 4,0 фоизни ташкил этди.

Шундан:

ҳукумат номидан жалб қилинган ички қарз – 4,7 трлн. сўм (0,4 млрд. доллар);

ҳукумат кафолатлаган ички қарз – 18,9 трлн. сўм (1,9 млрд. доллар).

Top