23:53 / 22.12.2020
11617
Сурхондарё вилояти ҳокими Афғонистоннинг Балх вилоятига борди

Тўра Боболов бошчилигидаги делегация Ўзбекистон ва Афғонистон ўртасида трансчегаравий савдони ривожлантириш бўйича Ишчи комиссиясининг иккинчи мажлисида иштирок этиш учун 22 декабр куни Афғонистон Ислом Республикасининг Балх вилоятида бўлди.

Фото: Сурхондарё вилояти ҳокимлиги ахборот хизмати 

Сурхондарё вилояти ҳокимлиги ахборот хизмати хабарига кўра, Балх вилояти маркази Мозори Шариф шаҳрида Ўзбекистон делегацияси шарафига расмий қабул маросими ўтказилган.

Фото: Сурхондарё вилояти ҳокимлиги ахборот хизмати 

Мулоқот асносида Тўра Боболов ҳамда Балх вилояти волийси Муҳаммад Фарҳод Азимий икки давлат раҳбарларининг сиёсий иродаси туфайли ўзаро дўстлик, қардошлик ва иқтисодий ҳамкорлик сезиларли даражада ривож топаётгани, мамлакатларимиз ўртасида трансчегаравий савдони ривожлантириш бўйича Ишчи комиссиясининг навбатдаги мажлиси бу муносабатларда янги саҳифа очишини таъкидлаб ўтишган.

Фото: Сурхондарё вилояти ҳокимлиги ахборот хизмати 
Top