Xitoy antimonopoliya boshqarmasi Alibaba Group’ga nisbatan surishtiruv boshladi

Alibaba Group Holding Ltd shartnomalar bo‘yicha eksklyuziv kelishuvlar tuzish va boshqa qonunbuzishlarda gumon qilinmoqda.

Foto: REUTERS/Lai Seng Sin

Xitoy bozorlarni muvofiqlashtirish boshqarmasi Alibaba Group’ga nisbatan antimonopol surishtiruv boshladi.

“Bugun bozorlarni muvofiqlashtirish boshqarmasi Alibaba Group monopolistik harakatlarda gumonlanib, unga nisbatan surishtiruv boshlangani to‘g‘risida xabardor qildi. Alibaba surishtiruv bo‘yicha faol hamkorlik qiladi. Kompaniya hozirda odatdagi tartibda ishlamoqda”, — deyiladi kompaniyaning Weibo ijtimoiy tarmog‘idagi xabarida.

Alibaba Group Holding Ltd shartnomalar bo‘yicha eksklyuziv kelishuvlar tuzish va boshqa qonunbuzishlarda gumon qilinmoqda. Hongkong fond birjasida kompaniya aksiyalari narxi 8,1 foizga pasaydi.

Avvalroq Xitoy hukumati Alibaba asoschisi Jyek Maga mamlakatni tark etmaslikni tavsiya qilgani to‘g‘risida xabar berilgandi.

Alibaba Xitoydagi eng yirik elektron tijorat platformalariga ega.