Alipay'da qanday ro‘yxatdan o‘tish va foydalanish mumkin?

Alipay nima?

Alipay Alibaba ekotizimiga kiradi. Ilova Ant Group kompaniyasi tomonidan ishlab chiqilgan – u Taobao, Tmall va AliExpress egasi hisoblangan Alibaba Group’ning sho‘’ba tuzilmasi hisoblanadi. Ant Group to‘lov texnologiyalari, moliyaviy servislar va raqamli identifikatsiya bilan shug‘ullanadi va Alipay uning asosiy mahsulotidir.

Alipay’da qanday ro‘yxatdan o‘tiladi?

App Store yoki Google Play orqali Alipay ilovasini o‘rnating. Bosh ekranda «Sign Up»ni tanlang va telefon raqamini kiriting. Ilova SMS-kod jo‘natadi, raqamni tasdiqlash uchun kodni kiriting.

Ilovaga kirganingizdan Alipay ismingiz va mamlakatingizni so‘raydi. Bu ma’lumotlarni keyinroq o‘zgartirish mumkin. Ilova shuningdek, kameraga kirishga ruxsat so‘raydi, bu QR-kodlarni skanerlash uchun kerak.

Raqam tasdiqlanishi bilan ro‘yxatdan o‘tish yakunlanadi. Qo‘shimcha tekshiruvlar akkaunt yaratish bosqichida emas, faqat to‘lovlarni ulash paytida paydo bo‘ladi.

Alipay’ga kartani qanday bog‘lash va to‘lovni faollashtirish mumkin ?

QR-kod orqali to‘lovni amalga oshirish uchun bank kartasini bog‘lash kerak. Asosiy menyuda «Me» bo‘limiga kiring, so‘ng «Bank Cards» yoki «Add Card»ni tanlang. Alipay karta ma’lumotlarini — raqami, amal qilish muddati va CCV kodini kiritishni so‘raydi.

Ma’lumotlar kiritilganidan so‘ng ilova kartani avtomatik ravishda bog‘laydi yoki bankingizga so‘rov yuboradi. Bunday hollarda bog‘lashni bankdan kelgan SMS-kod orqali tasdiqlash kerak bo‘ladi. Muvaffaqiyatli tasdiqdan so‘ng karta ro‘yxatda paydo bo‘ladi va Alipay to‘lovlarni faollashtiradi.

Xalqaro Visa, Mastercard va UnionPay kartalari qo‘llab-quvvatlanadi, ammo to‘lov muvaffaqiyatli bo‘lishi bankka bog‘liq. Agar amaliyot bajarilmasa, buning sababi ilovada emas, bank cheklovida bo‘ladi.

Alipay’da to‘lov qanday amalga oshiriladi?

Karta bog‘langanidan so‘ng Alipay’dan oddiy elektron hamyon sifatida foydalanish mumkin. To‘lovlar QR-kod orqali bo‘ladi: asosiy menyuda «Scan» (o‘zga kodni skanerlash) va «Pay» (sotuvchiga o‘z kodini ko‘rsatish) tugmalari bor. Bu usul do‘konlar, transport, qahvaxona, mehmonxona, marketpleys va ilovaning mini-servislarida ishlaydi.

Alipay orqali mobil aloqa, kommunal xizmatlar uchun to‘lov qilish, chipta sotib olish, shahar servislaridan foydalanish, taksi chaqirish va onlayn-do‘konlarda xarid qilish mumkin. Aksariyat funksiyalar mini-ilova shaklida bo‘lib, ular Alipay ichida ochiladi.

Ayrim xizmatlar, masalan, sug‘urta, davlat xizmatlari yoki P2P-o‘tkazmalar qo‘shimcha tekshiruvni talab qilishi yoki faqat Xitoy kartalarida ishlashi mumkin.

Alipay’da qanday servislar bor?

Alipay to‘lovlardan tashqari, ilova ichida ishlaydigan qator servislarni o‘z ichiga oladi.

Chiptalar va safarlar

Alipay orqali poyezd, avtobus va aviareyslarga chipta sotib olish mumkin. Ilovadagi servislar jadvalni tekshirish, yo‘nalishni tanlash va QR-kod orqali yo‘l haqini to‘lash imkonini beradi.

Transport

Ilovada metro va avtobuslarda yo‘l haqini QR-kod orqali to‘lash mumkin. Ba’zi shaharlarda operatorlarning mini-xizmatlari ishlaydi, ular turniketlarni ochish, transport hisobini to‘ldirish va imtiyozli tariflardan foydalanish imkonini beradi.

Shahar servislari

Ko‘p shaharlar o‘z xizmatlarini Alipay’ga joylashtiradi: jarimalarni to‘lash, velosiped ijarasi, elektron chiptalar, ma’lumotnoma olish va aholi uchun mahalliy platformalar. Bu alohida ilova o‘rnatmasdan shahar xizmatlaridan foydalanishga imkon beradi.

Videolenta

Ilovada Reelsga o‘xshash qisqa videoroliklar bo‘limi mavjud. Bu yerda servislar sharhi, qahvaxona va do‘konlar bo‘yicha tavsiyalar, turistik to‘plamlar va reklama kliplari ko‘rsatiladi. Bu mahalliy servislardagi dolzarb takliflarni topishga yordam beradi.

Alipay va WeChat orasida qanday farq bor?

Alipay – to‘lov platformasi. Uning asosiy vazifasi QR-kod orqali to‘lovlarni amalga oshirish va moliyaviy xizmatlar bilan ishlash. Ilova elektron hamyon funksiyasi asosida yaratilgan: unga xalqaro kartalar bog‘lanadi, xaridlar, transport, xizmatlar, chiptalar, kommunal to‘lovlar va mobil aloqa uchun to‘lovlar amalga oshiriladi. Alipay’da o‘rnatilgan servislarning aksariyati asosan hisob-kitoblar va pul bilan bog‘liq amaliyotlarga qaratilgan: sug‘urta, transport kartalari, chiptalar, do‘konlar va yetkazib berish xizmatlarining mini-ilovalari.

WeChat – to‘lov tizimi biriktirilgan messenjer. Unda to‘lovlar muhim bo‘lsa-da, ilovadan birinchi navbatda muloqot, kontaktlar, ishchi guruhlar, universitetlar xabarnomalari va har doim ham pul bilan bog‘liq bo‘lmagan mini-xizmatlar uchun foydalaniladi.