17:39 / 28.01.2021
3084
Коронавирусга қарши вакцина етмаётганлиги сабабли Германияни "оғир ҳафталар" кутаётганлиги айтилди

Аввалроқ Еврокомиссиянинг соғлиқни сақлаш масалалари бўйича аъзоси Стелла Кириакидис AstraZeneca вакцина етказиб бериш жараёнига ўзгартириш киритганидан сўнг компаниядан изоҳ талаб қилганди.

Фото: Reuters

Коронавирусга қарши вакцина етмаётганлиги сабабли Германияни оғир давр кутмоқда, деб ҳисобламоқда мамлакат соғлиқни сақлаш вазири Йенс Шпан.

"Вакцина етарлича эмаслиги боис бизни камида 10 оғир ҳафта кутмоқда", - деди у.

 Шпаннинг қўшимча қилишича, у эмлаш жараёнини муҳокама қилиш учун Германия федерал ва ҳудудий ҳокимиятлари иштирокида саммит ўтказмоқчи.

Аввалроқ Еврокомиссиянинг соғлиқни сақлаш масалалари бўйича аъзоси Стелла Кириакидис AstraZeneca вакцина етказиб бериш жараёнига ўзгартириш киритганидан сўнг компаниядан изоҳ талаб қилиб мактуб йўллаганди.

Унинг сўзларига кўра, ЕИ вакцина ишлаб чиқаришни молиялаштирган, уни тезроқ етказиб бериш бўйича аввалдан буюртма берган ва эндиликда Брюссел шартнома бажарилишини кутмоқда.

Евроиттифоқ аввал имзоланган келишувга кўра жорий йилнинг биринчи чорагида 100 млн доза вакцина олиши лозим. Аммо келишилган миқдорнинг фақат ярмини олиш эҳтимоли мавжуд.

Top