21:56 / 12.02.2021
3602
Ҳиндистондаги заводда юз берган портлаш оқибатида 10дан ортиқ киши ҳалок бўлди

Портлаш кимёвий моддаларни аралаштириш чоғида содир бўлган.

Фото: The Times of India

Ҳиндистоннинг Вирудунагар шаҳридаги мушаклар ишлаб чиқарувчи заводда содир бўлган портлаш оқибатида 16 киши ҳалок бўлди, 20 киши жароҳатланди. Бу ҳақда Times of India нашри хабар бермоқда.

Нашрнинг маълумот беришича, портлаш кимёвий моддаларни аралаштириш чоғида содир бўлган.

Жароҳатланганлар шифохонага ётқизилган.

Воқеа жойида 10та ўт ўчириш бригадаси ишлаётганлиги айтилмоқда.

Top