2020 yilda Qo‘qondagi mahalla O‘zbekistondagi eng ko‘p jinoyat sodir etilgan mahalla bo‘lgan - vazir

Oliy Majlis Senatining o‘n uchinchi yalpi majlisida O‘zbekiston ichki ishlar vazirining huquqbuzarliklar oldini olish va ular profilaktikasi holati to‘g‘risidagi 2020 yil yakuni bo‘yicha axboroti eshitildi.

Unda jinoyatchilik darajasi yuqori bo‘lgan mahallalar qaysi viloyatlarda eng ko‘p ekanligi ma'lum qilindi.

Jumladan:

• Toshkent shahrida – 35ta;
• Surxondaryo va Farg‘ona viloyatlarida – 30tadan;
• Buxoro viloyatida – 25ta;
• Andijon viloyatida – 20ta mahallada jinoyatchilik darajasi yuqori deb topilgan.

Qo‘qon shahridagi «Sumbula» mahallasi bir yil davomida hududida eng ko‘p jinoyat sodir etilgan mahalla ekanligi ma'lum bo‘ldi. 2020 yil davomida ushbu mahallada jami 266ta jinoyat sodir etilgan bo‘lib, shulardan 238tasi o‘g‘irlik, 23tasi turli darajadagi tan jarohatlari yetkazish va boshqa jinoyatlar tashkil etgan.