18:41 / 22.03.2021
9797
ЕИ 30 йил ичида биринчи марта Хитойга нисбатан санкциялар киритмоқда

Бунгача ЕИ 1989 йилда Пекиндаги Тянанмэн майдонидаги намойишлар аёвсиз бостирилганидан сўнг Хитойга қурол етказиб беришга эмбарго киритганди.

ЕИ кенгаши инсон ҳуқуқлари мунтазам бузилиши сабабли ташқи ишлар вазирлари даражасида Хитойга нисбатан санкциялар киритишга келишиб олди.

Қайд этилишича, бу 30 йилдан ортиқ вақт давомидаги биринчи санкциялар пакети ҳисобланади.

Бунгача ЕИ 1989 йилда Пекиндаги Тянанмэн майдонидаги намойишлар аёвсиз бостирилганидан сўнг Хитойга қурол етказиб беришга эмбарго киритганди.

Санкциялар рўйхатига тўрт нафар жисмоний ва битта юридик шахс киритилди. Уларнинг ЕИдаги активлари музлатилади, Евроиттифоққа киришлари тақиқланади.

Брюссел ушбу санкцияларни уйғурларнинг геноцид қилиниши билан боғламоқда.

Ўз навбатида, Хитой ташқи ишлар вазирлиги Брюсселга қарши "кескин" жавоб чоралари қўлланилишини маълум қилган.

Top