17:09 / 31.03.2021
5772
Арманистонда журналистга қўл кўтарган вазир истеъфо берди

18 март куни журналист Пайлак Фаградян Аршакянни ўзига ҳужум қилишда айблаганди.

Фото: Facebook/Акоп Аршакян

Арманистон юқори технологиялар саноати вазири Акоп Аршакян истеъфога чиқди. У бу ҳақда ўзининг Facebook саҳифасида маълум қилди.

"Бугун юқори технологиялар саноати вазири лавозимидаги охирги иш куним. Арманистон фуқароси сифатида мансабдор шахс фуқарога нисбатан зўравонлик қилиши мумкин эмас деб ҳисоблайман, биз зўравонликсиз жамият сари интилишимиз керак. Бунинг устига, Арманистонни халқаро майдонда ифода этувчи мансабдор шахс сифатида жамиятга ўрнак бўлишим лозим", - деб ёзди у.

18 март куни журналист Пайлак Фаградян Аршакянни ўзига ҳужум қилишда айблаганди. 

Унинг хабар қилишича, воқеа Еревандаги қаҳвахоналардан бирида юз берган. Аршакян иш вақтида қаҳвахонада нима қилиб юргани тўғрисидаги саволдан сўнг журналистга ташланган. 

Фаградяннинг сўзларига кўра, вазир унинг компьютерига зарар етказган. У воқеа тасвирланган видеони Mediaport Telegram-каналига жойлаштирган.

Top