21:30 / 13.04.2021
3071
Facebook бош директорининг хавфсизлиги учун бир йилда 23 млн доллар сарфлангани маълум бўлди

2019 йилга солиштирганда компания асосчисининг хавфсизлигини таъминлаш харажатлари 10 миллион долларга ошган.

Фото: Niall Carson/PA Images via Getty Images

Ўтган йили Facebook компанияси бош директори Марк Цукербергнинг хавфсизлигини таъминлаш учун 23 миллион доллар сарфланган. Бу ҳақда The Verge хабар берди.

Хабарда айтилишича, Facebook ҳар йили ўтказадиган текширувларда "жаноб Цукербергга нисбатан таҳдидлар аниқланган".

"У Facebook синоними ҳисобланади ва компаниямизга нисбатан салбий муносабатлар тўғридан тўғри Цукерберг билан боғлиқ", - дейилади компания томонидан.

Ўтган йили Facebook бош директорининг хавфсизлигини таъминлаш харажатлари коронавирус пандемияси сабабли ошиб кетган.

Қайд этилишича, Цукерберг йилига бир доллар маош олади ва ҳеч қандай мукофот ва моддий рағбатлантиришлар олмайди.

Top