Yevrokomissiya AstraZeneca kompaniyasini sudga bermoqchi

Yevrokomissiya vaksina yetkazib berish bilan bog‘liq muammolar sababli AstraZeneca kompaniyasiga qarshi da'vo qo‘zg‘atmoqchi. Bu haqda Politico xabar berdi.

Qayd etilishicha, bu masala YeI mamlakatlari vakillari uchrashuvida muhokama qilingan.

AstraZeneca kompaniyasiga Yevroittifoqqa a'zo davlatlarga shartnomada ko‘rsatilgan miqdorda vaksina yetkazib berish majburiyatini yuklash ko‘zda tutilgan.

Avvalroq emlanganlarda tromboz hosil bo‘lishi holatlari sababli ayrim mamlakatlar AstraZeneca vaksinasi bilan emlashni vaqtincha to‘xtatgan yoki taqiqlagandi.

Kompaniya esa vaksinasi xavfsiz ekanligini ta'kidlamoqda.