Qoʻshimcha funksionallar
-
Tungi ko‘rinish
Termiz xalqi gaz yetishmovchiligidan azobda yashayapti. Muammoni bartaraf qilish uchun 70 mlrd so‘m ajratiladi – prezident
Prezident Shavkat Mirziyoyevning Surxondaryo viloyatiga tashrifi doirasida viloyat faollari bilan uchrashuv bo‘lib o‘tmoqda. Bu haqda Kun.uz muxbiri xabar qildi.
“Menga kecha hisobot berishdi, Termiz shahri gaz ta'minoti halqa shaklida emas ekan. Termiz xalqi gaz yetishmovchiligidan azobda yashayapti. Bu muammoni bartaraf qilish uchun 70 mlrd so‘m ajratiladi. Bu yil qishda Termiz shahrida gaz muammosi bo‘lmasligi shart”, dedi Shavkat Mirziyoyev.
“Hududgazta'minot” AJ raisi Bahodir Eshmurodov vaziyatga quyidagicha izoh berdi:
“Termiz shahri mamlakatimizdagi bitta uzatish tarmog‘idan ta'minlanayotgan yagona shahar hisoblanadi. O‘tgan qish mavsumida ob-havoning keskin pasayishi tufayli ta'minotga qiynaldik. Belgilangan vazifani 1 oktyabrgacha albatta bajaramiz”.
“1 noyabrgacha, men o‘zim yana bir oy qo‘shimcha muddat beraman. 70 mlrd mablag‘ esa dushanba kuniyoq ajratiladi”, dedi prezident.
Mavzuga oid
15:57
O‘zbekistonda gaz, neft va benzin ishlab chiqarish kamayishda davom etyapti
07:40
201 ta suyultirilgan gaz ballonini talon-toroj qilish holati aniqlandi
22:19 / 19.12.2024
Shavkat Mirziyoyev gaz qazib olishni oshirish yuzasidan yig‘ilish o‘tkazdi
20:11 / 19.12.2024