21:42 / 16.06.2021
11224
Хитой АҚШ ва ЕИнинг бирлашган кучларига қарши туришга тайёрлигини билдирди

Дипломатларнинг таъкидлашича, Пекин ўз ички сиёсати, хусусан, Тайван, Ҳонгконг, Шинжон ва Тибетга нисбатан аралашувларга тоқат қила олмайди.

Фото: iStock

Хитой ҳукумати мамлакат суверенитети ва хавфсизлигини ҳимоя қилиш учун АҚШ ва ЕИнинг бирлашган кучларига қарши туришга тайёрлигини билдирди. Бу ҳақда Хитойнинг Евроиттифоқдаги дипломатик миссияси маълум қилди, деб хабар берди South China Morning Post.

Дипломатларнинг таъкидлашича, Пекин ўз ички сиёсати, хусусан, Тайван, Ҳонгконг, Шинжон ва Тибетга нисбатан аралашувларга тоқат қила олмайди.

«Хитой ўтмишдаги Хитой эмас. Хитой халқи кўтарилди. Бизга нисбатан қўрқитиш иш бермайди», дейилади баёнотда.

Шунингдек, Хитой ташқи ишлар вазирлиги Вашингтон ва Брюсселни ўзларининг ички муаммолари билан шуғулланишга чақирган.

Аввалроқ Хитой НАТО ва G7 баёнотларига нисбатан норозилик билдирганди.

Top