Rossiyaning mart oyida chaqirib olingan AQShdagi elchisi kelasi haftada Vashingtonga qaytadi

Antonov mart o‘rtalarida AQSh prezidenti Jo Bayden Rossiya prezidenti Vladimir Putin to‘g‘risida keskin fikr bildirganidan so‘ng Rossiyaga chaqirtirib olingandi.

Anatoliy Antonov / Foto: MARK WILSON / GETTY IMAGE

Mart oyida Moskvaga chaqirib olingan Rossiyaning AQShdagi elchisi Anatoliy Antonov kelasi haftada Vashingtonga qaytadi. Bu haqda Rossiya tashqi ishlar vazirligi rasmiy vakili Mariya Zaxarova ma'lum qildi.

«U kelayotgan ish haftasini bevosita Vashingtonda o‘tkazadi», dedi Zaxarova.

Antonov mart o‘rtalarida AQSh prezidenti Jo Bayden Rossiya prezidenti Vladimir Putin to‘g‘risida keskin fikr bildirganidan so‘ng Rossiyaga chaqirtirib olingandi.

Rossiya tashqi ishlar vazirligining bildirishicha, u AQSh prezidenti Jo Bayden jamoasining ishini tahlil qilish maqsadida maslahatlashuvga chaqirtirilgan.