AQSh Eronga qarshi kiritilgan minglab sanksiyalarni olib tashlashni rejalashtirmoqda
Eron prezidenti ma'muriyati rahbari Mahmud Voiziyning so‘zlariga ko‘ra, ayrim shaxslar va oliy rahnamo atrofidagi shaxslarga nisbatan joriy etilgan ba'zi sanksiyalarni ham bekor qilishga kelishildi.
AQSh Eron neft-gaz va kemasozlik sektoridan sanksiyalarni olib tashlashga qaror qildi. Bu haqda Eron prezidenti ma'muriyati rahbari Mahmud Voiziy ma'lum qildi.
"Sug‘urta, neft va kemasozlikka nisbatan Tramp tomonidan kiritilgan barcha sanksiyalarni bekor qilish to‘g‘risida kelishuvga erishildi", - dedi Voiziy.
Uning so‘zlariga ko‘ra, AQSh bilan kelishuvga ko‘ra, mingdan ortiq sanksiyalar bekor qilinadi.
"Shuningdek, ayrim shaxslar va oliy rahnamo atrofidagi shaxslarga nisbatan joriy etilgan ba'zi sanksiyalarni ham bekor qilishga kelishildi", - deb qo‘shimcha qildi Voiziy.
Eslatib o‘tamiz, o‘tgan haftada Eronda prezident saylovi bo‘lib o‘tdi. Unda mamlakat oliy sudi raisi Ibrohim Raisiy 17,6 milliondan ortiq ovoz to‘plagan holda g‘olib bo‘ldi.
Mavzuga oid
22:30 / 19.10.2024
AQSh Ukrainani NATOga taklif qilishga tayyor - OAV
22:01 / 18.10.2024
AQSh Rybar loyihasi to‘g‘risida ma’lumot berganlarga 10 mln dollargacha mukofot e’lon qildi
21:05 / 18.10.2024
AQSh Isroilga muhlat berdi. Yaqin Sharq taqdirida hal qiluvchi oy boshlandimi?
20:51 / 18.10.2024