Yevroittifoqda uy hayvonlarini qafasda saqlashni taqiqlash rejalashtirilmoqda

Yevropa komissiyasi Yevropa ittifoqida qishloq xo‘jaligi jonivorlarini qafasda saqlash taqiqlanishini qo‘llab-quvvatlashini e'lon qildi, deb xabar berdi Unilad.

Ushbu taqiqni joriy etish bo‘yicha kampaniya 1,4 milliondan ortiq imzo to‘plagach, komissiya 2023 yilda qator jonivorlarni qafasda saqlashni taqiqlovchi qonunni taklif qilish majburiyatini oldi.

Qayd etilishicha, taqiq tovuq, sigir, quyon, o‘rdak va g‘ozlar hamda boshqa jonivorlarga nisbatan joriy etiladi. Qonun 2027 yildan kuchga kirishi ko‘zda tutilgan.

Fermerlarga qishloq xo‘jalik yurituvi tizimini modernizatsiya qilish uchun subsidiyalar beriladi.