Video: Rossiya qiruvchi samolyotlari parvozi Ispaniya bosh vazirining Litvadagi matbuot anjumani to‘xtatilishiga sabab bo‘ldi

Ispaniya bosh vaziri Pedro Sanchesning Litvaning Shaulyay shahridagi harbiy-havo kuchlari bazasidagi matbuot anjumani xavf signali e'lon qilinishi sababli to‘xtatildi. Bu haqda Delfi nashri xabar berdi.

«Litva havo hududida parvozi to‘g‘risida ma'lum qilinmagan ikki samolyot qayd etildi, uchuvchilar so‘rovlarga javob bermadi, shu sababli havo politsiyasi chaqirildi», — dedi mudofaa shtabi matbuot kotibi Andryus Dilda.

Matbuot anjumanida Litva prezidenti Gitanas Nauseda ham ishtirok etayotgandi.  

Dildaning ma'lumot berishicha, «Rossiyaning ikkita Su-24 samolyoti Kaliningrad oblastidan Rossiyaning materik qismiga parvoz qilgan».

Uning so‘zlariga ko‘ra, samolyotlar kelishilmagan parvozni amalga oshirgan va parvozlarni boshqarish markazi bilan aloqaga chiqmagan.