15:22 / 12.07.2021
8229

Qozog‘istonda yo‘qolib qolgani aytilgan o‘zbekistonlik ayol topilgani xabar qilindi

Ayolning aytishicha, u fevralda qattiq kasal bo‘lib qolgan. Karantinga olishlaridan qo‘rqib shifoxonaga bormagan va besh oy davomida hech kim bilan muloqotda bo‘lmagan.

Qozog‘istonda yo‘qolib qolgani aytilgan o‘zbekistonlik 39 yoshli Mehribonbi Yo‘lchiyeva topildi. Bu haqda O‘zbekistonning Qozog‘istondagi elchixonasiga tayanib Tengrinews.kz xabar berdi.

Mehribonbi Yo‘lchiyevaning aytishicha, u fevralda qattiq kasal bo‘lib qolgan.

«Haroratim 40-41 darajaga ko‘tarilib ketdi. O‘rnimdan turolmay qoldim. Karantinga olishlaridan qo‘rqib shifoxonaga bormadim. Besh oy hech kim bilan muloqotda bo‘lmadim. Oziq-ovqat, dori-darmon kerakligi uchun telefonimni sotib yuborgandim. Yaqinda telefon sotib oldim. Uyga qaytishni o‘yladim, ammo hamma chegarada meni karantinga olishlarini aytib qo‘rqitdi», — degan u.

Xabar qilinishicha, ayolning qarindoshlari u bilan aloqa uzilganidan so‘ng yordam so‘rab jurnalistlarga murojaat qilishgan. Ular ayol qullikka tushib qolgan bo‘lishi mumkinligini aytishgan.

Mavzuga oid
Top