Braziliya prezidenti shifoxonadan chiqdi

Braziliya prezidenti Jair Bolsonaru 4 kunni shifoxonada o‘tkazgandan keyin u yerdan chiqarildi. U ichak o‘tkazmasligi  tashxisi bilan shifoxonaga yotqizilgandi. Shifokorlar uning sog‘lig‘i ortidan nazoratni ambulator ravishda davom ettirishadi.

“Ertadanoq prezident vakolatlarini bajarishga qaytaman. Men parhez saqladim va barcha tavsiyalarni bajardim. 10 kundan keyin bemalol qovurilgan qovurg‘alarni va umuman istagan narsamni yeya olaman, deb umid qilaman”, deb aytgan Bolsonaru jurnalistlarga.

Braziliya prezidenti sog‘lig‘idagi muammolar 3 yil avval boshlangan. 2018 yilda u saylovoldi namoyishlaridan birida pichoq zarbasidan yaralangandi. Pichoq ichakni qon bilan ta'minlovchi arteriyani shikastlagan. O‘shandan beri unda bir nechta jarrohliq amaliyoti o‘tkazilgan.