Pokiston “Tolibon” jangarilarini qo‘llab-quvvatlayotgani to‘g‘risidagi ayblovlarni rad etdi

Pokiston “Tolibon” jangarilarini qo‘llab-quvvatlayotgani to‘g‘risidagi Afg‘onistonning barcha bayonotlarini rad etadi. Bu haqda Pokistonning BMTdagi doimiy vakili Munir Akram ma'lum qildi.

“Biz bu ayblovlarni butkul rad etamiz. Bizning chegaramiz yopiq, uning 97 foiz qismi to‘siq bilan o‘ralgan”, - dedi u.

Diplomatning qo‘shimcha qilishicha, chegaradan qonunga muvofiq ravishda har kuni 30 mingga yaqin kishi o‘tadi. 

Pokiston vakili shuningdek, “Tolibon” IShID bilan hamkorlik qilayotgani haqidagi bayonotni ham rad etdi.

“Ular g‘oyaviy jihatdan farq qiladi, “Tolibon” IShIDga qarshi kurashmoqda, ular qanaqasiga hamkorlik qilishi mumkin? Bularning bari xayolot”, - dedi Akram.

Avvalroq Afg‘onistonning BMTdagi doimiy vakili G‘ulom Ishoqzay Pokistonni toliblarga yordam berishda ayblagandi.