Moskvadagi masjidlarda ommaviy tekshiruvlar o‘tkazildi

Moskvadagi masjidlarda migrantlar ommaviy tekshiruvdan o‘tkazildi, deb xabar berdi Moslenta. 

Baza Telegram-kanali Kotelniki rayonidagi masjidda o‘tkazilgan tekshiruvlar aks etgan lavhani joylashtirdi.

Guvohlarning so‘zlariga ko‘ra, namoz ado etilganidan so‘ng politsiyachilar barchaning hujjatini birma-bir tekshirib chiqqan. 

Readovka Telegram-kanali Moskva markazidagi jome masjidida OMON otryadi navbatchilik qilgani haqida xabar berdi. Ular masjidga keluvchilarning hujjatlarini tekshirgan.

Manbalar Moskva shahri va oblastidagi boshqa masjidlarda ham reydlar o‘tkazilganini aytgan.