Buxorolik fermer Muhammad Ahmedov, O‘zFA Matematika instituti direktori Shavkat Ayupov, adabiyotshunos Ibrohim G‘afurov va san'atkor Munojat Yo‘lchiyevaga “O‘zbekiston Qahramoni” unvoni berildi.
Prezident “O‘zbekiston Qahramoni” unvonini berish to‘g‘risida farmon imzoladi.
Farmonga asosan, mamlakat oldidagi yuksak xizmatlari uchun quyidagilarga “O‘zbekiston Qahramoni” unvoni berilib, oliy nishon – “Oltin yulduz” medali topshiriladi:
Ahmedov Muhammad Ismatovich – Buxoro tumanidagi “Madaniyat Muhammad Ismat” fermer xo‘jaligi boshlig‘i, Buxoro viloyati
Ayupov Shavkat Abdullayevich – O‘zbekiston Respublikasi Fanlar akademiyasining Matematika instituti direktori, senator
G‘afurov Ibrohim Usmonovich – O‘zbekiston Yozuvchilar uyushmasi a'zosi, adabiyotshunos olim
Yo‘lchiyeva Munojatxon Abduvaliyevna – O‘zbekiston davlat konservatoriyasi an'anaviy ijrochilik kafedrasi mudiri
Ma'lumot uchun, “O‘zbekiston Qahramoni” unvoni oliy darajadagi mukofot bo‘lib, O‘zbekiston Respublikasining fuqarolariga davlat va xalq oldidagi qahramonona jasorat ko‘rsatish bilan bog‘liq xizmatlari uchun beriladi.
