18:23 / 29.08.2021
8782
Жонсон шахсий телефонидан фойдаланиб хавфсизлик қоидаларини бузган
Фото: Reuters

Буюк Британия бош вазири Борис Жонсон ва бошқа юқори лавозимлардаги вазирлар хавфсизлик қоидаларини бузиб, шахсий телефонларидан чет эллик амалдорлар ва тадбиркорлар билан мулоқотда бўлдилар, деб хабар беради The Times нашри. Бош вазир “Сиёсатчилар иш муаммоларини ҳал қилишда шахсий телефонларидан фойдаланмасликлари лозим”, деб сиёсатчиларга берган тавсиясини ўзи бузган.

Нашрнинг ёзишича, жаноб Жонсон телефонидан Саудия Арабистони валиаҳд шаҳзодаси Муҳаммад бин Салмон Ол Саудга Англиянинг “Newcastle” футбол клуби сотилиши мумкинлиги ҳақида хабар юборган. Шунингдек, Борис Жонсон Dyson электр асбоблари компанияси бошқарувчиси тадбиркор Жеймс Дайсон билан шахсий телефони орқали ёзишмалар олиб борган. Улар компания учун солиқ имтиёзларини муҳокама қилишган.

2019 йилда парламент сайловларидан сўнг Борис Жонсон ҳукумат аъзоларига телефон ва электрон почталарни бузиш хавфини кўрсатиб, шахсий электрон қурилмаларни хизмат вақтида ишлатмасликни тавсия қилган.

Top