Qozog‘istonda karantin choralari yumshatiladi

Qozog‘iston sog‘liqni saqlash o‘rinbosari, mamlakat bosh vrachi Yerlan Kiyasov karantin cheklovi choralarini bosqichma-bosqich yumshatish to‘g‘risidagi farmoyishni imzoladi.

Hujjatga ko‘ra, tig‘iz vaqtlarda jamoat transporti soni oshiriladi, milliy va klublar jamoalariga 30 kishidan oshmagan holda sport mashg‘ulotlarini o‘tkazishga ruxsat beriladi.

Majlislar algoritmga rioya qilgan holda yuzma-yuz shaklda o‘tkazilishi mumkin (masofaviy shaklda o‘tkazishning imkoni bo‘lmaganda).

Farmoyishda shuningdek, ijtimoiy-iqtisodiy obektlarning ishlash tartibiga oid yangi talablar ko‘rsatib o‘tilgan.

Yangi farmoyish 13 sentyabrdan kuchga kiradi.