Berdimuhamedovning komaga tushib qolgani haqidagi xabarlar rad etildi

Turkmaniston prezidenti Gurbanguli Berdimuhamedovning salomatligi yomonlashgani to‘g‘risidagi xabarlar haqiqatga to‘g‘ri kelmaydi, u tadbirlarda ishtirok etmoqda, deb ma'lum qildi Turkmanistonning Rossiyadagi elchixonasi RBKga.

«Qator OAVning go‘yoki Turkmaniston prezidentining salomatligi yomonlashgani to‘g‘risidagi xabarlari mutlaqo ishonchsiz va haqiqatga to‘g‘ri kelmaydi», — deyiladi xabarda.

Ta'kidlanishicha, Turkmaniston prezidenti muntazam ravishda tadbirlarda ishtirok etmoqda. Xususan, 20 sentyabr kuni Berdimuhamedov onlayn formatda vazirlar mahkamasi yig‘ilishini o‘tkazdi, deya ma'lum qilgan elchixona.

Avvalroq ayrim ommaviy axborot vositalari Berdimuhamedov komaga tushib qolgani to‘g‘risida xabar tarqatgandi.

Berdimuhamedov 64 yoshda, u 2007 yildan buyon Turkmanistonga rahbarlik qilmoqda.