Hindiston bosh vazirining samolyoti uch yil ichida birinchi marta Pokiston ustidan uchib o‘tdi
Ilgari Pokiston Hindiston prezidenti Ram Natx Kovind va bosh vazir Narendra Modiga xorij mamlakatlariga parvoz qilish uchun Pokiston havo makonidan foydalanishiga uch marta ruxsat bermagandi.
AQShga yo‘l olgan Hindiston bosh vaziri Narendra Modining samolyoti uch yil ichida birinchi marta Pokiston havo hududi orqali uchib o‘tdi. Bu haqda India TV telekanali xabar berdi.
Ma'lumot berilishicha, Hindiston Pokistondan Modining samolyoti Pokiston ustidan parvoz qilishga ruxsat so‘ragan va Islomobod bunga ruxsat bergan.
Ilgari Pokiston Hindiston prezidenti Ram Natx Kovind va bosh vazir Narendra Modiga xorij mamlakatlariga parvoz qilish uchun Pokiston havo makonidan foydalanishiga uch marta ruxsat bermagandi. Bu 2019 yilda Hindiston Jammu va Kashmir shtatlari maqomini o‘zgartirib, uni ikkiga bo‘lib yuborganidan so‘ng boshlangandi.
Narendra Modi AQShga tashrifi davomida vitse-prezident Kamala Harris va prezident Jo Bayden bilan uchrashadi. U shuningdek, BMT Bosh assambleyasining 76-sessiyasida chiqish qiladi.
Mavzuga oid
23:55 / 12.10.2024
Hindiston Rossiyaga taqiqlangan texnologiyalarni yetkazib bermoqda - Bloomberg
15:43 / 09.10.2024
Hindistonda to‘rt ming yillik aravalar topildi
20:45 / 08.10.2024
Hindistonda yuz minglab tomoshabin yig‘ilgan aviashouda besh kishi halok bo‘ldi
14:34 / 06.10.2024