19:04 / 28.09.2021
9111

AQSh qurolli kuchlari generali toliblar “Al-Qoida” bilan aloqalarni uzmaganini aytdi

Avvalroq AQSh Mudofaa vazirligi razvedka boshqarmasi rahbari Skott Berre “Al-Qoida” bir-ikki yil ichida Amerikaga yana tahdid solishi mumkinligini bildirgandi.

Foto: Rahmat Gul/AP

“Tolibon” harakati “Al-Qoida” terrorchi tarmog‘i bilan aloqalarni haligacha uzmadi. Bu haqda AQSh qurolli kuchlari shtab boshliqlari qo‘mitasi raisi, general Mark Milli aytdi.

“Tolibon” terrorchi tashkilot edi va shundayligicha qolmoqda, ular haligacha “Al-Qoida” bilan aloqalarni uzmadi. “Tolibon” hukumat shakllantira oladimi yoki mamlakat fuqarolar urushi oqibatida parchalanib ketadimi, bunga aniqlik kiritish kerak”, – dedi general.

Avvalroq AQSh Mudofaa vazirligi razvedka boshqarmasi rahbari Skott Berre “Al-Qoida” bir-ikki yil ichida Amerikaga yana tahdid solishi mumkinligini bildirgandi.

O‘z navbatida, MRB boshlig‘i o‘rinbosari Devid Koen AQSh “Al-Qoida”ning Afg‘onistonda faollashayotganiga oid ayrim ma'lumotlarni olganini aytgandi.

Qayd etilishicha, aksariyat ekspertlar “Tolibon” “Al-Qoida”ning Afg‘onistonda kuchayishini to‘xtata olmasligi yoki to‘xtatishni istamasligidan xavfsiramoqda.

Top