Moskvadagi maktablardan birida noma'lum shaxs otishma sodir etdi

Hodisa guvohining so‘zlariga ko‘ra, u uzoq vaqt maktab oldida turgan, havoga bir necha marta o‘q uzgan va qochib ketgan.

Foto: Ijtimoiy tarmoqlar

Moskvadagi maktablardan biri hududida kamuflyaj kiygan erkak avtomatdan o‘q uzdi, deb xabar berdi «112» Telegram kanali.

Hodisa guvohining so‘zlariga ko‘ra, u uzoq vaqt maktab oldida turgan, havoga bir necha marta o‘q uzgan va qochib ketgan. Xabar qilinishicha, hech kim jabrlanmagan.

Hozirda huquqni muhofaza qilish organlari uni qidirmoqda.

Mash Telegram kanalining xabar berishicha, voqea 1260-maktab oldida sodir bo‘lgan.

Sentyabr oxirlarida Omskda maktabda portlash uyushtirishga tayyorlangan 15 yoshli o‘quvchi qo‘lga olingandi. Politsiya uni Permdagi universitetga qilingan hujumdan so‘ng ijtimoiy tarmoqlarni tekshirish chog‘ida hibsga olgan – aniqlanishicha, o‘quvchi o‘z rejasi haqida may oyida ma'lum qilgan.