Mamlakat adliya vaziri List Kitel FQB va Haiti politsiyasi jinoiy guruh vakillari bilan muloqotda bo‘lib turgani, muzokaralar bir necha haftaga cho‘zilishi mumkinligini ma'lum qildi.
Haitida 17 nafar amerikalik missionerni o‘g‘irlab ketgan jinoyatchilar guruhi 17 million dollar — har bir kishi uchun bir million dollardan to‘lov talab qilmoqda. Bu haqda Wall Street Journal xabar berdi.
«Amerikalik missionerlar guruhini o‘g‘irlab ketgan to‘da har bir kishini ozod qilish uchun bir million dollardan jami 17 million dollar talab qilmoqda», — degan haitilik mansabdorlardan biri.
O‘z navbatida, mamlakat adliya vaziri List Kitel FQB va Haiti politsiyasi jinoiy guruh vakillari bilan muloqotda bo‘lib turgani, muzokaralar bir necha haftaga cho‘zilishi mumkinligini ma'lum qildi.
«Biz ularni pul to‘lamasdan ozod qilmoqchimiz», — dedi Kitel va missionerlar Krua-de-Buke shaharchasidagi uylardan birida saqlanayotganini aytdi.
17 oktyabr kuni Haiti poytaxti Port-o-Prensda jinoyatchilar 17 nafar amerikalik missioner va ularning oila a'zolarini o‘g‘irlab ketishgani xabar qilingandi.
Ta'kidlanishicha, ayni vaqtda Port-o-Prensning deyarli yarmini jinoiy to‘dalar nazorat qiladi.
