Qashqadaryoda Lacetti mashinasidan 4 million o‘g‘irlagan shaxsga jinoyat ishi qo‘zg‘atildi

Qashqadaryo viloyati Shahrisabz shahrida Lacetti mashinasidan 4 million o‘g‘irlagan shaxsga jinoyat ishi qo‘zg‘atilgan. Bu haqda viloyat IIB axborot xizmati xabar bermoqda.

Ma'lum qilinishicha, Kitob tumani «Bog‘bon» mahalla fuqarolar yig‘inida yashovchi S.N. o‘ziga tegishli  Lacetti mashinasini Shahrisabz shahridagi savdo do‘koni oldida, yo‘l chetida qoldirib, ichkariga kirgan. Shu payt noma'lum shaxs mashina salonidan 4 million so‘m pulni o‘g‘irlab ketgan.

Olib borilgan tergovga qadar surishtiruv ishlari natijasida ushbu o‘g‘rilikni Shahrisabz shahar «Yashil diyor» mahalla fuqarolar yig‘inida yashovchi R.Sh. sodir etgani aniqlangan. Undan ashyoviy dalil sifatida 1 million 246 ming so‘m pul hujjatlashtirib olingan.

Qayd etilishicha, holat yuzasidan Shahrisabz shahar IIB tomonidan jinoyat ishi qo‘zg‘atilgan.